Luis Enrique
R.C. CELTA - REAL MADRID C.F. (2 - 0)
Xogador máis valioso para a AFECCIÓNCELESTE:
SERGIO ÁLVAREZ
NOTA: 10
Xornada 37
PUNTUACIÓNS
© 2013 AFECCION CELESTE. Sempre co R.C. Celta de Vigo.
Sergio Álvarez
A SALIENTAR
Chegou o Real Madrid a Balaídos en cadro, dando por perdida a Liga antes de saltar ao terreo de xogo. Diante atopouse a un ambicioso Celta que ademáis de aproveitar os garrafais erros da zaga merengue, errou unha chea de ocasións que ben puideron significar unha vitoria moito máis avultada.
O Celta empezou a carburar da man de Rafinha, que sacaba maxia das súas botas cada vez que tocaba o balón. Pouco a pouco foron cobrando protagonismo outros xogadores como Nolito ou Orellana, ambos moi activos.
Pero o verdadeiro protagonista da tarde, co permiso do bigoleador Charles, foi o gardamallas celeste. E é que Sergio Álvarez estivo inmenso, sobre todo nos primeiros minutos da segunda metade, onde o Real Madrid semellaba dar un paso adiante e non conformarse coa derrota, acumulando ocasións de gol que foron anuladas polo porteiro do Celta.
O resto do partido foi bastante tranquilo e o Celta soubo dosificar o esforzo e o resultado. Pena a lesión de xeonllo de Augusto, malia que despois das probas que lle foron realizadas este mesmo luns, semella que non é unha lesión grave como cabía esperar. E iso son boas novas.
Gran final de temporada do R.C. Celta que, ademáis de acabar entre os dez mellores da mellor Liga do mundo, pode acadar o oitavo posto se consegue gañar no difícil campo do Valencia na vindeira xornada. Forza Celta!!!!