En los extremos, Manu del Moral, Fidel y Carles Gil se disputan dos puestos. Y en la punta de ataque, Coro y Boakye lucharán por ocupar el puesto del 9.

 

También se espera la presencia de Cristian Herrera, el jugador revelación de la temporada, con un gran acierto anotador.

 

 

Cerca da permanencia

​por Este_Celeste (01-03-2014)​

co-fundador de Afección Celeste.

 

O encontro do sábado contra o Elche (ás 22h) chega nun momento crucial para o Celta. Coa permanencia case ao alcance da man, o equipo que dirixe Luis Enrique debe centrarse en acadar canto antes eses nove puntos que permitirían cumprir co obxectivo esencial e soñar con facer algo máis grande este ano.

 

Debe o Celta aproveitar a inercia positiva de resultados e loitar por manter o colchón de puntos sobre o descenso porque despois veñen unhas semanas de enfrontamentos complicados contra Atlético, Levante, Málaga e Barcelona.

 

Para acadar o obxectivo dos tres puntos é necesario que o equipo deixe a un lado o run-run da semana, que ven chea de faladurías sobre o bo estado de forma de Rafinha e a súa máis que probable marcha a fin de temporada (se segue así é certo que “noivas” non lle van faltar); da posibilidade de que o propio Luis Enrique acabe ocupando o banco do Barcelona; da situación de Fontàs, que de xogar os 45 minutos pasaría a ser definitivamente propiedade do Celta (tendo que aboar a entidade celeste un millón de euros ao Barcelona).

 

Aínda que sexan poucas, as boas novas veñen dende a enfermería, xa que Charles finalmente recibiu a alta médica despois da escordadura que sufriu no seu nocello no encontro contra o Getafe. Xa que logo, o Celta podería contar con el para o choque do sábado. Pero tamén serán importantes as baixas de Álex López e Nolito por acumulación de cartóns e a xa sabida de Mario Bermejo por lesión.

 

O Elche recibirá na casa ao Celta coa baixa do seu porteiro titular Toño Rodríguez, aínda convalecente da súa rotura fibrilar, e son dúbida Carles Gil e Aarón Ñíguez, que adestraron toda a semana por separado tras acabar tocados muscularmente tralo encontro contra o Madrid.

 

Tamén a semana do Elche ven marcada polos rumores de retraso no pago das nóminas de xaneiro e iso, sumado á avultada derrota contra o Real Madrid, pode descentrar a un equipo que é rival directo na loita pola permanencia.