Mentres, algúns de nós aínda seguiamos pendentes de que se pitase o final no Deportivo - Real Sociedade, porque un gol do Deportivo, esa era a realidade, deixaba ao Mallorca en primeira e devolvíanos ao inferno novamente.

 

Agora que pasou xa certo tempo, pódese dicir que o fútbol non foi xusto co Celta, que os resultados non acompañaron ao bo xogo no primeiro treito de liga e que os erros arbitrais (foron moitos e moi cantosos) lastraron unha campaña celeste que debeu ser menos agónica.

 

Así a todo compre facer un pouco de autocrítica e, sobre todo, aprender daquilo que nos fixo febles na temporada pasada. Os puntos quentes, ao meu parecer foron:

 

• O equipo adoeceu de pegada arriba. As incorporacións "estrela" para esas posicións foron un fiasco.

• Os finais de partido eran catastróficos porque a forma física non era a axeitada para Primeira Divisón.

• O Celta xogou cunha defensa marcada polas lesións de xogadores titulares.

• Os plantexamentos ultradefensivos de Paco Herrera e a ausencia de xogadas de estratexia ou a balón parado impediron sacar máis puntos, sobre todo no inicio de liga (a segunda metade nin tan sequera xogou ben o equipo -supoño que pola presión de vivir en postos de descenso-).

 

A pregunta é... Despois de vista a pretemporada e as novas incorporacións do Celta, credes que se deu solución a cada un dos problemas? Foi un acerto traer a Luis Enrique? Será determinante a ausencia de Aspas ou, pola contra, o novo plantel está máis reforzado? Eu teño claro que chegará algún xogador máis, pero o que teño máis claro aínda é que quero o mesmo resultado do ano pasado... coa metade de sufrimento.

 

FORZA CELTA!!!! A POLA PERMANENCIA SEN AGONÍAS! A POLO ESPANYOL E A EMPEZAR CON BO PÉ!!!